Kosova mbrëmë luajti baras 1-1 në “Fadil Vokrri” ndaj Zvicrës në sfidën e vlefshme për xhiron e fundit të kampanjës kualifikuese për Kampionat Botëror.

Si zakonisht për Zvicrën u paraqit mbrëmë edhe ylli shqiptar njëherit kapiteni i kombëtares zvicerane Granit Xhaka, shkruan Arbresh.info.

Mirëpo paraqitje e tij u shoqërua me vërshëllima nga disa tifozë shqiptar në stadium.

Kjo u shoqërua me reagime të shumta nëpër media e me deklarata të forta pas ndeshjes. Edhe vet Xhaka tha se i dhemb një gjë e tillë por që është pjesë e futbollit, dhe i duhet të pajtohet.

Ndërkohë sot përmes një postimi në ‘InstaStory’ reagoi edhe Taulant Xhaka, vëllai i Granitit.

“Gjithmonë deri në vdekje me ty vlla. Krenaria e shqiptarëve! Zoti i ruajt të gjithë shqipet e vërteta nëpër botë”, ka shkruar ai./Arbresh.info